MEDIA

MEDIA

Asiae regio latissima et notissima, cuius Reges olim percelebres. A Septentrione Hyrcanô mari, ab Occasu maiori Armeniâ, et Assyria terminata, a Meridie Persidem, ab Ortu Hyrcaniam habet et Parthiam, quae Caspiorum montibus ab ea excluditur. Dicta Media (ut Solino c. 20. Placet) a Medo Medeae et Aegei filio. Strabo. l. 11. Mediam in duas partes dividit, in maiorem, cuius caput est Eobatana, et minorem, quae Atropatia dicitur. Est autem Media, bonâ sui parte montosa, et frigida, et fere tota sterilis, exceptâ regione, quae sub Caspiis portis in humili et concavo solo iacet, quae opulenta est, rerumque omnium necessariarum ferax, praeterquam olei. Virg. Georg. l. 2. v. 136.

Sed neque Medorum silvae, diti Iima terra.

Strabo ubi supra, Εὐδαίμων σφόδρα ἐςτὶ καὶ παμφόρος. Idem ita regionis huius divitias rimatur: Cum magnitudine et opibus regionis concordant ea quae de tributis traduntur. Nam cum Cappadoces Persis quotannis pendant praeter argentum, mille, et quingentos equos., mulorum duo milia, ovium quinquaginta milia, duplum fere horum Medi pendebant. Consentiunt quae Curtius l. 5. c. 4. late scribit de amne Medo, et quae Plin. l. 37. c. 5. de smaragdis Medorum. De praestantia Mediae multa veteres recensent, sed nemo meliora Polybio l. 10. c. 24. et l. 5. c. 44. In Media campus est latissimus, quem Hippohoten vocant, in quo equorum 50000. milia pasci dicuntur. Regium id armentum est. Ex Media primum allata est malus citrea, quae inde Medica dicitur, et sic a Virg. Georg. l. 2. v. 125. describitur:

Media fert tristes sucos, tardumque saporem

Felicis mali, quô non praesentius ullum

(Pocula si quando saevae infecêre novercae,

Miscueruntque herbas et non innoxia verba)

Auxilium venit, et membris agit atra venena.

Ipsa ingens arbor, faciemque simillima lauro.

Et, si non alium late iactaret ordorem,

Laurus erat: Folia haud ullis labentta ventis;

Flos apprima tenax: animas, et olentia Medi

Ora fovent illo; ac senibus medicantur anhelis.

Cordini nomen vulgo habere tradit Haithenus, et Servan Castaldus. Baudrando fuit, ubi nunc Servan, regio ampla Persiae, cum parte Occidentali Geilan provinc. et parte Septentrionali Yerack Agemi, provinc. Quae nunc subsunt Persis. Alias Media Asiae imperium obtinuit, Arbace Medô Niniven, ubi Sardanapalus erat, capiente. Sed et vicissim Medorum Imperium, Cyaxare mortuô, ad Perfas devolutum est. Vide infra. Regia Medorum Ecbatana fuit. Medi deliciis dediti a Synesio l. de insomniis traduntur, ut Medica mensa in proverbium abierit pro exquisitâ, et sumptuosâ. Sumitur et Mensa Medica, pro crudeli apud Athenagoram, ex eo quod Astyages Medorum Rex Harpago consiliario filium, eiusdem Harpagi epulandum apposuit, ut Iustin. l. 1. c. 5. auctor est. Eorum τοξοσύνην commendat Horat. l. 2. Carmin. Od. 16.

Otium Medi pharetrâ decori.

Propert. l. 3. Eleg. 11.

Neve tuâ Medae laetentur caede Sagittae.

Lucan. l. 2. v. 48.

——— Coniuret in arma

Mundus: Achaemeniis decurrant Medica Susis

Agmina.———

Historia paucis haec: Medi, a Madai, Iapheti filio, olim Assyriis suberant, donec Arbaces, Mediae praefectus, sub Sardanapalo, iugum excussit, Niniveque destructâ, A. M. 3178. an. 100. ate 1. Olymp. 876. ante Christum Natum, Monarchiam Medorum orsus est, quae sub 9. Regibus duravit ann. 317. usquead Astyagen, filium Cyaxaris, nepotem Phraartis, quem Cyrus thronô deturbavit, an. 195. Urb. Cond. subinitium 5. Olymp. Hic Astyages, Harpagi, qui Cyrum ex mandatonon interfecerat, filium in frusta concisum, patri inter epulas proposuit, Hinc quibusdam Medica mensa, i. e. cruenta, ut dictum. Vide Herodot l. 1. Iustin. loc. cit. Diodor. Sic. Euseb. Iul. Africanum, Orosium. Scalig. in Chron. Petavium doctr. temp. Ricciol. Chron. Reform. P. de Valle Itiner tom. 2. et 3. Quomodo Mediam, Saracenis profligatis, receperit olim Basilius Imperator. Orientis A. C. 1015. vide Zonar. tom. 3. Ioh. Marshamus vero Eques Mediae Regum seriem, a Deioce incipit, de Arbace autem a veritate prorsus aliena et cum Sacris Literis repugnantia, ex Ctesia Diodorum referre, docet, Canone Chronico. Sec. XVII.